පිළිකාවෙන් වැළකෙමු........
විශේෂයෙන්ම මෙම රෝගය බටහිර රටවලට ව්‍යාප්ත වීම වැඩි වශයෙන් දක්නට ලැබේ. වර්තමානයෙහි මෙම රෝගයෙහි සීඝ්‍ර වර්ධනයට ප්‍රධාන හේතුවක් ලෙස කිසිදු පාලනයකින් තොරව කෘතිම රසායනික පොහොරයොදා සකස් කළ ආහාර භාවිතය, අධික මේදය සහිත ආහාර (විශේෂයෙන්ම සත්ත්ව මේදය) වඩා පවිත්‍ර හා පිරිසැකසුම් කළ ආහාර (නිවුඩ්ඩ ඉවත් කළ සහල්, රළු කොටස් ඉවත් කළ සිනි), කල් තබා ගැනීමේ අරමුණින් විවිධ ලුණු වර්ග එක් කල ආහාර, එනම් නයිට්‍රයිට හා නයිට්‍රේට, විවිධ කෘතිම වර්ණ කල රසකාරක හා උත්තේජක යෙදු ආහාර, ආහාර කර්මාන්තයේ භාවිත කරන වෙනත් කෘතිම රසායනික ද්‍රව්‍ය යෙදු ආහාර, දිලිර හා වෙනත් ක්ෂුද්ර ජීවින් අඩංගු ආහාර, කෘමිනාශක හා වෙනත් විවිධ කෘෂි රසායනික ඇති ආහාර භාවිතය මේ සදහා හේතුවී ඇති බව දැන් සොයා ගෙන ඇත.
👉 පිළිකා ඇති වීමට බලපාන හේතු:
- අධික දුම්කොළ භාවිතය
- අධික මත්ද්‍රවය භාවිතය
- රැකියා ආශ්‍රිත හේතුන්
- පරිසර දූෂණය ආශ්‍රිත හේතුන්
- ඖෂධවල බලපෑම
- විකිරණ වල බලපෑම
- දීර්ග කාලීන ආසාදන
- ප්‍රතිශක්ති ඌණතා
- ප්‍රවේණිගත තත්වයන්
පිළිකාව අද අසන්නට ලැබෙන රෝග අතුරින් ප්‍රධාන වුවකි. පිළිකා යන වචනය පවා ඇසීමට බෝහෝ දෙනෙකු බිය වෙති. මිනිසුන් එය දකින්නේ රෝගය වැලඳිමෙන් මරණය නියත බව හා වේදනාකාරී අංගවිකල වෙන විකෘති රෝගයක් ලෙසයි. නමුත් ඇත්තටම බොහෝ දෙනෙක් මෙම රෝගයට ගොදුරු වන්නේ නොසැලකිලිමත් බව සහ නොදැනුවත්කම නිසාය. ගමේ සදහා නියමිත කාලයේ දී ප්‍රතිකාර කරන්නේ නම් සාර්ථක ප්‍රතිඵල ලබා ගත හැක. බොහෝමයක් පිළිකා සහමුලින්ම සුව කළ හැක. නමුත් මේ පිලිබඳ මිනිසුන්ට ඇති දැනුම අවම වීම නිසා රෝගයෙන් මිය යන ප්‍රමාණය වැඩි වී ඇත. මෙනිසා මෙය කල් තබා හදුනා ගැනීම වැදගත්ය. ඇතැම් පිළිකා වර්ග බොහෝ කාලයක් ශරීරය තුළ තිබී හදිසියේම ශිඝ්‍රයෙන් ව්‍යාප්තව රෝග ලක්ෂණ පෙන්නුම් කරයි. අතට අසුවන තරමේ සෙ.මී. 01 ක පමණවු ඉතා කුඩා පියයුරු පිළිකාවක් පවා මිලියන 500ක පමණ පිළිකා සෛල ඇති බව සොයා ගෙන ඇත. එම සෛල මගින් ආසන්න පටක වගේම දුරස්ථ ස්ථානවල පටක පවා නතු කරගෙන පිළිකාවේ ද්විතික අවස්ථාවන් ඇති කරයි. ඒ නිසා ප්‍රතිකාර හැකි තරම් ඉක්මන් කිරීම වැදගත්ය. ප්‍රතිකාර කළ හැකි පිළිකාවක් වුණත් කල් ගත වුණොත් අසාධ්‍ය තත්ත්වයට පත් විය හැක.
🙍 කල් අල්ලා පවතින කැස්සක් හෝ කට හඬ වෙනස් වීමක
🙍 සුව නොවන තුවාලයක්
🙍 ගැටයක ලපයක හෝ ඉන්නෙකුගේ හදිසි වෙනස් වීමක් හෝ සීඝ්‍ර වර්ධනයක්
🙍 පියයුරුවල හෝ අන් තැනක ගැටයක් හෝ ඝන වීමක්
🙍 යෝනි මාර්ගයේ අකුමවත් ලේ වහනයක් හෝ ස්‍රාව වහනයක්
🙍 මළ හෝ මුත්‍රා පහ කිරීමේ පුරුදු වල වෙනසක් හෝ මළ සමග ලේ පහවීමක්
🙍 කල් අල්ලා පවතින අජීරණ තත්වයක් හෝ ගිලීමේ අපහසුවක් වැනි කරුනක් ඇති වුවෙහාත් ඒ ගැන සැලකිලිමත් වීම වැදගත්ය.
එක් එක් පුද්ගලයාට අනුව පිළිකාවක් විවිධාකාර වේ. පිළිකා සදහා ප්‍රතිකාර කිරීමේ දී එහි අවස්ථා හදුනා ගැනීම ඉතාමත් වැදගත්ය. පිළිකාවේ සියුම් කොටස් කපා පරික්‍ෂා කිරීමෙන් හා පිළිකා සෛල පැතීරී යන පටක පරික්‍ෂා කිරීමෙන් හෝ පිළිකා ග්‍රන්ථි කපා පරික්‍ෂා කිරීමෙන් ප්‍රතිකාර සදහා පදනම සකසා ගත හැක.
👉 පිළිකා වලක්වා ගැනීමට නම්....
- කිරණ ජායා රූප ක්‍රම ( X -Ray/ Barium Enema/ Mammography)
- ස්කෑන් ක්‍රම ( MRI / CT / US Scanning )
- ශරීරෙයේ අභ්‍යන්තර අවයවයන්හි කුඩා කොටස් පිටතට ගෙන පරීක්ෂා කිරීම (Endoscopy/ Colonoscopy)
- ද්‍රව තරල පිටතට ගෙන පරීක්ෂා කිරීම ( Bone Marrow Biopsy FNAC ) වැනි පරීක්‍ෂණ මගින් පිළිකා කල් තබා හදුනා ගත හැක.
මීට අමතරව,
- දුම්කොළ, දුම්වැටි හා අධික මත් පැන් භාවිතය අවම කිරීම.
- පළිබෝධනාශක, රසකාරක, වර්ණකාරක හා කෘතිම දෑ රහිත ස්වාභාවික එළවළු සහ පළතුරු ආහාරයට එක්කර ගැනීම.
- ප්‍රමාණවත් ව්‍යායාම සහ ක්‍රියාශීලි ජීවන රටාවක් අනුගමනය කිරීම.
- සැහැල්ලු මනසකකින් දිවි ගෙවීම.
- නිවැරදි ලිංගික චර්යා අනුගමනය.
- අවුරුදු 35 ඉක්ම වු කාන්තාවන් පැප් පරීක්‍ෂණය සදහා යොමු විම.
- ස්වයං මුඛ සහ පියයුරු පරීක්ෂා කර ගැනීම.
පිළිකාවක් යනු සිරුරෙහි ඇති සෛල කාණ්ඩයක ඇතිවන රෝගී තත්ත්වයකි. මෙහිදි එම අදාල සෛල කාණ්ඩය එහි සාමාන්‍ය විභේදන සීමාවෙන් ඔබ්බට පාලනයකින් තොරව වර්ධනයක් පෙන්නුම් කරන අතර එම සෛල අවට ඇති පටක වෙතට ආක්‍රමණශීලි ලෙස ව්‍යාප්ත වීමෙන් ඒවා විනාශ කරන අතරම සිරුරෙහි වෙනත් ස්ථාන වෙත වස‍ා පද්ධතිය හෝ රුධිරය මගින් පිළිකා සෛල ව්‍යාප්ත කෙරේ. ඉහත කී ලක්ෂණ තුන මගින් පිළිකාවක් පිළිකාවක් නොවන වර්ධනයකින් වෙන්කර ගත හැකිය. පිළිකාවක් නොවන වර්ධනයක් එයට සීමා වන අතර අවට ඇති පටක වෙත ආක්‍රමණශීලි නොවන අතර සිරුරේ වෙනත් ස්ථාන වෙත එම සෛල ගමන් කිරීමක් සිදු නොවේ. බොහෝ පිළිකා අවස්ථාවලදී ගෙඩියක් වැනි වර්ධනයක් පෙන්නුම් කරන අතර ලියුකේමියාව වැනි පිළිකාවන්හි දී එසේ වීමක් සිදු නොවේ.
පිළිකාවන් සියළුම වයස් කාණ්ඩවලට ඇති විය හැකිය. නූපන් කළලයකට පවා පිළිකාවක් ඇති විය හැකිය. නමුත් වයස් ගත වීමත් සමගම පිළිකා ඇති වීමේ අවධානම හා බහුලතාවය ඉහළ යයි. පිළිකාවන් මගින් සියලුම මරණවලින් සියයට 13 කට වග කියනු ලැබේ. ඇමරිකානු පිළිකා සංගමය මගින් කළ අධ්‍යයනයකට අනුව වසර 2007 දී ලොව පුරා පිළිකා නිසා සිදු වු මරණ සංඛ්‍යාව මිලියන 7.6 කි. මිනිසුන්ට හැරුණු කළ සතුන්ට හා ශාක වලටද විවිධ වර්ගයේ පිළිකාවන් ඇතිවිය හැකිය.
ආසන්න වශයෙන් සියළුම පිළිකාවන් ඇති වනුයේ, වෙනස් වු සෛල වල න්‍යෂ්ටික ද්‍රව්‍යයන් හි ඇති වන අසාමානතාවයන් නිසාය. මෙම අසාමාන්යතා ඇති වීමට හේතු වනුයේ සිගරට් දුම, විකිරණ, රසායනික ද්‍රව්‍ය හෝ රෝග කාරක වැනි පිළිකා කාරකයන්ය. වෙනත් පිළිකා ඇති කිරීම වේගවත් කරන ජානවල අසාමාන්යතා ඩී.එන්.ඒ. වල බෙදීමේ දී අහඹු ලෙස උරුම වන අතර ඒවා උපතේ දී සියලුම සෛල තුළ දක්නට ලැබේ. පිලිකා කාරක සහ ජානමය ද්‍රව්‍ය අතර ඇති වන සංකිර්ණ අන්තර් ප්‍රතික්‍රියා මගින් ඇතැම් පුද්ගලයින් පමණක් එම පිළිකා කාරකවල‍ට නිරාවරණය වීමෙන් අහිතකර බලපෑම්වලට ලක්වන්නේ කුමන හේතුවක් නිසා ද යන වග විස්තර කරයි. ඩී.එන්.ඒ. මෙතිල්කරණය සහ ක්ෂුද්ර ආර්.එන්.ඒ යන පිළිකා ඇති කිරීමට තුඩු දෙන ජාන විද්‍යාවේ නවතම සොයාගැනීම් වැදගත් සංකල්පයක් ලෙස ඉහළ වටිනාකමක් ගනී.
පිළිකාවල දක්නට ලැබෙන ජාන විකෘතිතා ප්‍රධාන ජාන වර්ග දෙකකට අයත්වේ. පිළිකා ඇති කිරීමට උපකාරීවන පිළිකා ජාන (Oncogenes) පිළිකා සෛල තුළ බොහෝ විට ක්‍රියාකාරීව පවතී. මෙමගින් එම අදාල සෛල වෙත වේගවත් වර්ධනය සහ විභේදනය ඇති කිරීම, ස්වාභාවිකව සිදුවන සෛල මරණයට එරෙහි ආරක්ෂාවක් ලබාදීම, සාමාන්‍ය පටක සීමාවන් වෙත රැදිසිටීමේ හැකියාව අවම කිරීම සහ විවිධ සෛල වටපිටාවන් කරෙහි ප්‍රශස්ථ ලෙස ස්ථාපිත වීමට හැකියාව ලබාදීම යන නව ගුණාංගයන් ලබාදී ඇත. අනෙක් ජාන වර්ගය වන පිළිකා මර්ධන ජානය මෙකී සෛල තුළ අක්‍රීයව පවතී. එමගින් එම සෛලවල සාමාන්‍ය ක්‍රියාකාරිත්වය අහිමි වේ.
උදා- නිවැරදි ඩී.එන්.ඒ. විභේදනය, සෛල චක්‍රයෙහි පාලනය, අනෙක් සෛල හා පටක කෙරෙහි එම සෛලවල සකස් වීම සහ ප්‍රතිශක්ති කරණ පද්ධතියේ ආරක්ෂිත සෛල සමග ඇති වන ප්‍රතික්‍රියා
පිළිකා අනතුරු සංඟ පිළිබද නිතර අවධානයෙන් සිටීම සහ එවැනි විටක වෛද්‍ය උපෙෙදස් ගැනිම වැනි පුරුදු මගින් පිළිකා රෝගය පමණක් නොව හෘද රෝග, දියවැඩියාව වැනි රෝග ද වලක්වාගත හැක.
--චාමලී වනිගසිංහ--
me wage leda roga gana samajaya danuwath kirima samaja mehewarak..
ReplyDelete